Carta
para los niños con motivo del Año Nuevo P´urhépecha
|
Ixu uératini Morelia, k´amárani jámani i kutsï eneru 2007.
Nanákecha
ka tatekecha engaksï nirajka jorhentperakuecha irétecheri engaksï
jaká japóndarhu isï juatecharhu isï, eraxamakua isï ka tsakapu
isï.
Juchá engaksï jorhéngurhini jaká p´orhé uandákuani k´erénchekuarhu (UMSNH)
exáchixakaksïni ma uandájperakua, isï uékaparini eska I jimabangi
uéxurini sesi nitámakuarhiakajksï tsipikua jinoni chari majku
k´umánchikuarhu anápuechani jingoni.
Istuksï p´ímarhixaka ka komu arhixaka eskajtsï no iríkuarhiaka
iontki anápuecheri uandákuechani jimboka majkasï jukáparaska eska
máteru undákuecha turisïcheri eskajtsï no miríkuarhiaka juchari
undakua p´orheni, mentku isï jatsiakajtsï juchari pindékuecha eska
juchari k´uínchikuechani, eska juchari jarhoajperakuechani,
janhánharhperakua, juchari jurámutichani ka k´uiripu k´eraticchani;
juchari mimíxekuani, juchari kústakua, juchari ch´anákuechani, eska
uárhukueri ka ch´anakua kantsakateri, juchari t´irékuechani, juchari
xukúparakuani, ka ióntki anápuecheri sïpiati.
Engaksï jorhénguriaka arhintani ka karani p´orhe jimbó uákajtsï
jorhéngurini sontku máteru uandákuecha eska inglesï arhíkata ka
alemani arhíkata ka máteruechani.
Juchá jarháskaksï iúmu semestre arhíkatarhu, ka útasï notkuksï
k´amárasínga sesi jorhénguarhini ka ini karátani jingoni uákajsï
exeani ambé engaksï jorhengurika pórhé uandákueri.
Uékapiringaksï tsípikua jingoni chánhsïni jingoni jarahani.
Jorhéndperi:
Tata Albertu Medina Peresi
Jorhénguaricha:
Sitlali Ruisi Talonia, Guadalupe Albaresi Kalderoni, Kereni De Roo
Floresi, Sochilti Dominguesi Bautista, Sesari Gusmani Rodriguesi,
Lourdesi Segundo Kamposi, Edgari Padiia Sebastianu, Pompeiu
Serbantesi Ernandesi, Amado Mateo Moniko, Asunsiona Krusi Sebastianu,
Karolina Belaskesi Ernandesi, Sesangari Galbana Kesada, Sesari
Sabala Alkarasi, Bioleta Ramuko Pedrisko, Margarita Alejo Bautista.
 |
